بعد إلغاء الحج هاد العام.. اللجنة الملكية غترجع للحجاج المغاربة فلوسهم

قررات اللجنة الملكية للحجر استرجاع مصاريف الحجاج اللي كانو عوالين يمشيو للحج هذ العام، سواء المنتقين فليست التنظيم الرسمي، أو لائحة وكالات الأسفار السياحية.
وحسب بلاغ لوزارة الأوقاف والشؤون الإسلامية، حصلات عليه "كود"، فغادي تتكلف وكالات "بريد بنك" بإرجاع المبالغ للمعنيين بالأمر، ابتداء من الأربعاء فاتح يوليوز إلى غاية الجمعة 24 يوليوز، وطلبات الوزارة من المعنيين بالأمر باش يتوجهو لوكالات "البريد بنك"، ويجيبو معاهم لاكارط ناسيونال.
من جهة أخرى، قررات اللجنة الملكية تحتفظ بلوائح عملية القرعة للموسم الجاي، أي سنة 2021، واللي غتحدد اللجنة المصاريف ديال أداء هذ الشعيرة فهذ الوقت فاللخر ديال هذ العام.
وهذ القرار جا بعد بلاغ وزارة الحج والعمرة فالسعودية، اللي اعلن على تعليق اداء مناسك الحج هذ العام، بالنسبة للناس اللي كيسكنو برا السعودية.