بنشيخة باغي يكمل مع المولودية لكن بشروط

عبد الحق بنشيخة، مدرب مولودية وجدة وافق على تمديد عقده مع الفريق العام الجاي، واخا أنه تلقى عروض اخرى من أندية وطنية وجزائرية.
بنشيخة، اللي غادي تسالي الكونطرا ديالو مع المولودية ف30 يونيو الجاري، عبر عن رغبته في البقاء لموسم آخر على الاقل، لكن بشروط جديدة.
لكن شنو هي هذه الشروط، اولا خاصو يتوصل بمستحقاته في حينها بلا تعطال، ثم يحافظ الفريق على التشكيلة كاملة بلا ما يبيع حتى لاعب، وأكثر من ذلك طلب من المسؤولين تعاقدات جديدة باش يسد الخصاص، اللي عندو في بعض المراكز.
وطبعا مكتب المولودية وافق على هذه الشروط، نظرا للنتائج الإيجابية اللي حقق الفريق منذ انطلاق البطولة، إذ يوجد حاليا في الصف الثالث برصيد 34 نقطة.