فاس سجلات 13 الاصابة جديدة ب"كورونا"

العاصمة العلمية فاس الوضعية الوبائية فيها مزال ممستقراش مزيان. كل انهار كنسمعو هضرة. مرة كتكون القضية مزيانة ومرة كتشعل. مصادر مطلعة كشفت ل"كود" تسجيل 13 حالة إصابة مؤكدة ب"كورونا" فيروس صباح اليوم الخميس.
ووفق ما كشفت عنه مصادر "كود"، فإن 12 حالة كولها تسجلات فحي باب السيفر الشعبي بنفوذ مقاطعة المرينيين، فيما تتعلق الحالة 13 بمستخدمة فشي معمل ديال الخياطة، وتقطن هذه الأخيرة وسط المدينة، وتحديدا بحي السعادة.
عدد من الأحياء الشعبية بفاس مابقاش ناسها محترمين الحجر الصحي وهادشي غادي يزيد يخلي ناس فاس مسدود عليهوم. حقاش الداخلية والسلطات الصحية ميمكنش تغامر وتفتح كولشي فدقة وحدا بهاد المدينة ونطاحو فشي كارثة ونرجعو للزيرو.