رشيد العلالي ل"كود": العالم منصف السلاوي مكانش غادي يطفرو بسبب الناس السلبيّين وهوما نفسهوم اللّي قالو أنه ماشي مغربي وأنا فرحان بالحلقة ديالي معاه

في أول خروج له بعد الانتقادات اللّي خرجات من عقول شي متخلفين بسبب استضافته للعالم المغربي منصف السلاوي، الذي تم تعيينه من قبل الرئيس الأميركي، دونالد ترامب، على رأس مبادرة البيت الأبيض لتطوير لقاح ضد فيروس "كورونا"، في برنامج "رشيد شو من الدار"، قال مقدم البرنامج، الإعلامي رشيد العلالي، أنه ممسوقش لهاد الهجوم.
وأوضح المنشط الإعلامي العلالي، في تصريح ل"كود"، قائلاً: "أنا فرحان بزاف بسبب هاد الحلقة اللّي دايرها مع هاد الرجل، واللّي تبارك الله قيمة كبيرة، بالنسبة لي هي إضافية كبيرة في مشواري كمنشط وإعلامي، ولا يهمني ما يقال عن الحلقة، بل يضحكني، خاصة وأن هاد الناس ينتقدون منصف السلاوي بنفسو، وكيقولو وكان بقا فالمغرب ميطفروش".
وأضاف، في ذات التصريح: "أنا كنقول من الطبيعي مغاديش يطفرو العالم السلاوي، يلا كاين نوع ديال الناس بحالو هادو اللّي كتلقاه ميزيدش للقدام. ناس سلبيين. أنا فرحان بزاف بهاد الحلقة،ولا تهمني نسبة المشاهدة بل ما يهمني هو أن تصل إلى عدد كبير من الناس للاستفادة من تجربة الرجل، خاصة أنه وجّه رسائل كثيرة للشباب المغربي".
ورفض "رشيد شو" الحديث بزاف على الضجة اللي دايرينها هاد المتخلفين، وأضاف قائلاً: "مركز الآن باش تكون أصداء زوينة على الحلقة، والسيد راه جاوب على بزاف ديال الأمور، وهاد الناس الذين ينتقدونه هوما اللي طلقو عليه أنه ماشي مغربي، وشوف السيد فيه واصل والناس مركزين على أنه قال بأنه مواطن أمريكي. هادو ناس مولفين الانتقاذ من أجل الانتقاد".