ف 45 ثانية.. كَاد المالح جمع 3 ديال انواع الناس كيلبسو الكمامة غلط -فيديو

الفنان الكوميدي المغربي كَاد المالح اختار يدوي على أنواع الناس لي كيلبسو الكمامة لي مفروضة في المغرب ودول اخرى في زمان كورونا، ماشي كيف خاص، ولخص الشخصيات كاملة في 45 ثانية.
في هاد الثواني القليلة، المالح دوز الميساج ديال أن الكمامة مكنديروهاش على الوذن، ولا كنخليو النيف او الفم باينين، ولكن كنديروها باش نحميو راسنا من الفيروس، يعني غير عينينا لي خاص يبانو .
الفيديو لي حطو في حسابو على أنستكَرام حظى بتفاعل كبير، وباش يزيد يأكد على الميساج ديالو، كتب گاد كتعليق على المنشور، أنه ضروري نضغطو على الكمامة من جهة النيف لضمان فعالية أكبر.