ياسين أحجام: ماعنديش مع الممثلين اللي جايين من انستكَرام ولكن ربيع الصقلي دري زوين -فيديو

الممثل ، ياسين أحجام، عطى رأيو في الصدع لي ناض على الممثل الصاعد ربيع الصقلي.
في فقرة انستكَرامية سميتها "لباس عليك" كشف أحجام على رأيو الشخصي في ربيع الصقلي، الممثل الصاعد وقال أنه عندو حساسية من الممثلين لي كيجيو من انستكَرام والويب ولكن هاد الأخير متميز ويقدر يمشي مزيان.
ربيع الصقلي لي مثل في مسلسل "ياقوت وعنبر" كيدوز حاليا في القناة الأولى، ناض عليه صداع كبير هاد الأيامات بعدما وصف الناس لي انتاقدوه بالفاشلين وصحاب 10 دراهم روشارج. كلامو لي ماوزنوش خلاه محط انتقاد قبل ما يخرج ويقدم اعتذار ويطلب من الناس مايبقاوش يسبوه حيت كلامهم كيضر. وهادشي طبعا، كان عليه يخمم فيه قبل!