يلاه بدا التمثيل بدا كيعاير الناس.. ربيع الصقلي للمنتقدين: نتوما غير مجموعة ديال الفاشلين

أثار الممثل ربيع الصقلي بطل مسلسل "عنبر وياقوت" الجدل بعد التصريحات لي قال لقناة تلفزية، ولي جبدات عليه الصداع.. وصف المشاهدين لي انتاقدو الدور ديالو في المسلسل بالفاشلين.
ربيع الصقلي قال في تصريح لبرنامج "تراندينگ " أن المنتقدين غير فاشلين، وكيشارجيو 10 الدراهم ويبداو ينتاقدو وهادشي ماشي من حقهم لأنه أهل الاختصاص هما لي من حقهم ينتاقدو.
التصريحات ديال ربيع لي باقي مبتدئ وفي أول مسارو الفني نوضات عليه الصداع، الحاجة لي خلاتو يعتذر ويطلب من الناس يوقفو السبان لأنه كيضر، وقال في فيديو نشرو على حسابو في انستگرام: "عفاكم براكة من المعيور.. كيحطمنا وكيضرنا".