كولشي فهمو غلط وهو غي ضاحك.. محرز مطلعها على الدزايرية: فاش كنربحو كيفرحولينا غير الجزائريين دياولنا اما المغاربة والسينگاليين والكامرونيين لا.. ماشي حيت ماكايبغيوناش.. حيت فينا الصداع والغوات بزاف – فيديو

الجزائري رياض محرز، لاعب مانشستر يونايتد الإنجليزي، قال في فيديو كيضحك فيه أن فوز المنتخب الجزائري كيفرح غير الجزائريين فقط وشوية التوانسة.. ولكن المغاربة لا.
واضاف فالفيديو اللي طلعها فيه على الجمهور الجزائري، ان المغاربة والسينغاليين والكامرونيين ماكيفرحوش للدزاير فاش كتربح ماشي حيت ماكيبغيوهمش، ولكن حيت الجزائريين فيهم الصداع والغوات والهدرة بزاف، وكيرونو الدنيا لا ربحو، وعطى المثال بفاش كيربحو شنو كيوقع فبانام.
بزاف ديال الناس فهمو الفيديو غلط، وسحابلهم ان محرز سب المغاربة، ولا انه مكيحملهومش. واش حيت مافهموهش شنو قال، والسبب هنا اللغة، واش حيت بغاو يسمعو غير اللي بغاو.. مانعرفت. المهم نزلو على السيد هاد الباطل هكاك، وهو كان غير ضاحك وماقال حتى حاجة عيب.