خرجة فاشلة.. رئيس حكومة تلفان ومافيدوش وزاد شعل غضب العالقين.. ومعارفش السيناريوهات وماعندوش أرقام مضبوطة

خرجة اعلامية متخلفة دارها رئيس الحكومة اليوم فالقنوات الرسمية، مقال والو ومعطاش لا سيناريوهات رفع الحجر الصحي ولا عطا أمل للمغاربة العالقين.
تقريبا 35 دقيقة لم يقل رئيس الحكومة اي شي، معطاش سيناريوها ولا حلول ولا اجابات قطعية، فقط كرر داكشي لي قالوه وزارات الصحة والتعليم والصناعة والتجارة، وزاد قفرها فاش عطا رقم مغلوط ديال عدد الوفيات، لي عندو هو 130، في الرقم الصحيح هو 184.
كولشي محاملش الخرجة لي دار، ناس متبعينو كيتسناو الخبر السار ولا غير السار، خلاهم بين السماء والارض.
واش هذا يستحق يكون رئيس الحكومة، لي يقول في عز المآسي لي كيعانيو منها أزيد من 27 ألف مغربي عالق بالخارج، بانهم مغاديش يرجعو قبل فتح الحدود.
وزير الخارجية بوريطة قال غادي قريبا غادي يرجعو، والعثماني قالي مغاديش يرجعو تا يفتحو الحدود، شكون نثيقو وشكون نكذبو، واش هادي حكومة كاتحترم ذكاء المغاربة؟.
العثماني، دار أسوأ خرجة اعلامية له، فشل كيف العادة في التواصل، مكانش في المستوى، كون غير سكتب.
بنعرفة عطا ارقام معاودة، سبقاتو وزارة الصحة وخرجاتهم ف وثائق وتسربو قبل اللقاء، من قبيل تجنبنا 200 حالة وفاة يوميا، وهادشي تنشر قبل اللقاء.