خلود أشهر دكتورة في العالم العربي ختارت القفطان المغربي باش تستقبل رمضان مع وليداتها -تصاور

من نهار ناض عليها الصداع بسبب التصريحات لي قالت فيها انها ما تخليش راجلها يجي للمغرب، على ود المغربيات والدكتورة الكويتية خلود كتحاول تقاد صورتها مع المغرب ولمغاربة.
الدكتورة خلود الشهيرة على مواقع التواصل الاجتماعي دارت جلسة تصوير جديدة مع ولادها بالقفطان المغربي وفي جلسة مغربية مية في المية.
وكتبت الدكتورة خلود لي متبعها أكثر من 8 ملايين شخص عبر العالم في حسابها على انستگرام "بغيت نقول ليكم: كنبغيكم، النشامى بالزي المغربي تفضلوا كندير الشاي المغربي".
وماشي أول مرة دير فيها خلود جلسة تصوير بالزي المغربي، ولكن سبق ليها نشرات صور بالقفطان المغربي وراجلها لابس الجبادور وعبرت على حبها للمغرب في أكثر من مرة.