وكيل العام "مزيّف" طاح فيد الجدارمية: داز على براجات ووصل حتى لتنغير وها كيفاش تفضح

علمت "كود"، أن مصالح الدرك الملكي بالمركز القضائي "أسول"، التابع لمدينة تنغير، قدم اليوم الخميس، أمام النيابة العامة لدى المحكمة الابتدائية بالمدينة، شي واحد كينتحل صفة الوكيل العام للملك لدى محكمة الاستئناف بالرباط، وكينصب باسمه.
هاد الموقوف اللي كان تطرد من خدمتو بعمالة بنسليمان شدوه خارق حالة الطوارئ، وكان جاي لمنطقة "كلميمة" باش يوصل شي واحد ناصب عليه حتى هو. المهم السيد داز على بزاف ديال السدود القضائية، ووقتاش ما كيشدوه كيقدم راسو هو الوكيل العام ديال الرباط.
وحسب مصادر "كود"، فإن هاد السيد تفضح وتسالات المغامرة ديالو عند الجدارمية ديال تنغير. اللحظة مني طلبو منو البطاقة المهنية ديالو. السيد جبد ليهوم شي كارط مزورة، قبل أن يتم توقيفه من أجل البحث معه