ان بعض الظن فايك نيوز. "كود" جابت شنو وقع فطنجة لمقدم تاهموه باللي خدا 50 درهم رشوة على وثيقة التنقل

حصلت "كود" على معطيات جديدة حول شنو وقع بمجمع الضحى العرفان بمنطقة "العوامة" بعاصمة البوغاز طنجة. ناضت هضرة كبيرة على أن شي مقدم شدو البوليس حقاش كيطلب من الناس 50 درهم مقابل تسليم وثيقة التنقل.
وأكد مصدر مطلع، ل"كود"، أن هادشي مكاينش منو كاع. وأوضح أن كل ما في الأمر أن دورية للأمن تدخلت لحماية المقدم والمواطنين بعد ان تجمع حوالي 400 شخص من الساكنة في وقت واحد مطالبين برخصة التنقل.
وفي غضون ذلك، يؤكد المصدر ل"كود"، أن عون السلطة نقل على متن سيارة الشرطة من تلك المنطقة. مني شافو طلع ف الصطافيط دالبوليس سحاب ليهوم شدوه لكن هوما حماوه من داك الكم ديال الناس اللي كانو دايرين عليه.