الصبليون: المغرب دار أكثر الاجراءات المتشددة فالعالم باش يحمي بلادو من كورونا فيروس.. وفات حتى الصين

قالت صحيفة ال باييس الاسبانية أن المغرب، دار أكثر الإجراءات تشددا في العالم بأسره، باش يحمي البلاد من كورونا فايروس.
الصحيفة قالت أن المغرب وقف حتى النقل العمومي، اللي ماوقفاتوش حتى الصين اللي كان عدد الحالات فيها خيالي، وأن الصين وقفات النقل العمومي غير فمقاطعة هوبي لي فيها اقليم ووهان.
واكثر من هادشي المغرب مباشرة بعد وفاة أول حالة سد الحدود، ووقف الرحلات مع الصبليون وموراها فرنسا، وبعدها سد حدودو كاع.
وأثنت الصحيفة على المغرب اللي جنب راسو لحدود الساعة أنه يكون غارق فحالات كورونا.
مصادر:
https://elpais.com/sociedad/2020-03-22/marruecos-se-situa-a-la-vanguardia-mundial-en-medidas-de-confinamiento-contra-el-coronavirus.html