عاجل. فينال كأس “الكاف” فالرباط و”دونور” كيطايف مع دوالا ورادس على الشامبيونز ليگ

الكونفدرالية الإفريقية لكرة القدم أعلنت رسميا اليوم الجمعة أن ملعب الأمير مولاي عبد الله بالرباط هو المرشح الوحيد لاحتضان نهائي كأس الكاف في النسخة الجديدة.
الكاف كشف أن حتى ملعب اخر ما حط ترشيحو باش ينافس ملعب الرباط على تنظيم فينال ديال كاس كاف.
واعلنت الكونفدرالية الإفريقية لكرة القدم في بلاغها أن حتى دولة ما حطات الترشيح ديالها لنهائي الكاف، ما يعني أن الرباط هي اللي غادي تنظم هاد الفينال، خصوصا أن ملعب الأمير مولاي عبد الله كيتوفر على جميع المعايير المطلوبة.
في المقابل، كشفت الكاف عن ثلاثة ملاعب مرشحة لاحتضان نهائي الشامبيونز ليگ، ويتعلق الأمر بملعب مركب محمد الخامس فالدار البيضاء وملعب جابوما فدوالا في الكاميرون وملعب رادس في تونس.
الكاف حددت نهار 12 مارس الجاي باش تقرر رسميا في الملعب، اللي غادي يحتاضن نهائي دوري الابطال، في الوقت اللي أصبح اختيار الرباط لكأس الكاف محسوب فيه لحقاش ما قدم حتى حد ترشيحو.