حسب منظمة العالمية للصحة هاذو هما التدابير الوقائية ضد ڤيروس كورونا: غسل اديك باستمرار بالماء و الصابون كافي باش ينقص بشكل هائل نسبة العدوى بهاد الفيروس اذا سلمتي على شي واحد باديك تفادى تحك عينيك فمك ولا نيفك الي يقدر الڤيروس يدخل منهم احترم قواعد الوقاية التنفسية بمعنى الا ضربك بالبرد و عطستي او كحبتي حاول من الأمكن تغطّي فمك بمنديل او بالكُمّْ ديالك و رمي داك المنديل فشي حاوية دالازبال مغلقة وسير غسل يديك بالماء و الصابون او شي محلول كحولي. احترم مسافة وقائية بينك و بين الاشخاص الي كتعطس باش تفادى توصلك شي قطرات او تشم الڤيروس. تجنبوا المواد الي اصلها حيواني بمعنى تجنبو تقيسو بايدّيكم المشاش والكلاب دالزنقة او السوائل الي اصلها حيواني الي تقدرو تلقاو مكبوبة فالزنقة نطيبو مزيان الماكلة ديالنا و حنى ماعندناش هاد الاشكال فطريقة الطبخ ديالنا، نحاولو نتفاداو الماكلة الي ماطايباش بحال السوشي او الكارباشيو داللحم الي هما كيتكالو طايبين غير بالحامض. اذا حسيتي تأزم عليك الرواح او السعال غادي تمشي عند الطبيب ديالك الي غاتكون علمتيه او الصبيطار و تفادى الناس قدر المستطاع. الناس الي ضعاف صحيا يعني مثلا الناس الي كايديرو الدياليز و الي ناقصة عندهم المناعة، الناس المتقدمين فالسن او الي كانو لمدة طويلة مع ناس مراض بالكورونا، هم الي للأسف غادي يصعاب عيلاجهم. المهم الي خاصنا نديرو هو غسل اليدين بالماء والصابون او بشي محلول كحولي باستمرار. هذا موقع المنظمة العالمية للصحة للمزيد من المعلومات شوف هاد الموقع: ها رابطو https://www.who.int/fr/emergencies/diseases/novel-coronavirus-2019/advice-for-public
