الرميد حط شكاية ضد الهيني حيت دخلو فقضية “ليلى والمحامي”

علمت “كود” من مصادر خاصة أن مصطفى الرميد، وزير الدولة المكلف بحقوق الإنسان، وضع شكاية ضد المحامي محمد الهيني لدى نقيب هيئة المحامين بالدار البيضاء.
الشكاية اللي وضعها الرميد بصفته كمحامي وليس وزيرا جات بسبب إقحام الهيني له، من خلال تصريحات صحفية، في قضية “ليلى والمحامي الشهير “.
وكانت تداولات مواقع إخبارية تفيد أن المحامي الشهير، اللي كان متورط في قضية خيانة زوجية قبل ماتتنازل ليه مراتو، هو “صهر” الرميد، وهي الأخبار اللي نفاها هذ الأخير في تصريحات صحفية.
وقال الرميد باللي مابقاتش كتربطو علاقة بالمحامي منذ 2015، وهي السنة اللي مابقاش فيها المحامي كينتمي لحزب العدالة والتنمية.
وقضية “ليلى والمحامي الشهير” عرفات جدل واسع وكبير، بعدما تسربات صورهم على مواقع التواصل الاجتماعي، واللي جعلات مرات المحامي تتقدم بشكاية ديال الخيانة الزوجية، قبل ما تتنازل للراجلها وتتابع ليلى بوحدها، وتتهماتها أيضا بابتزاز راجلها ونشر صورو.