صفقة القرن. كيجي ل”كود”: خاص المغرب ياخد مسافة من الصراع العربي الاسرائيلي وما عندنا ما نديرو للجنة القدس وفلوس بيت المال نخسروها على مشاريع تنموية هنا

دعا الناشط الامازيغي منير كجي المغرب الى اخد مسافة مما سماه “الصراع العربي الاسرائيلي” وتساءل كيجي في تصريح ل”كود” “وحنا مالنا اش ربحنا من هاد القضية. اش ربح المغرب من انخراطو فهاد الصراع ورئاستو لجنة القدس” ثم اضاف “عرفتو اش ربحنا؟ والو. زيرو ما ربحنا والو”.
كجي اللي كان كيهدر على “صفقة القرن” للي قتارحها ترامب باش تولي دولتين: اسرائيل وفلسطين٬ وشدد فتصريحو ل”كود” على ان بلادنا خاصها تديها فشغلها وتشطب باب دارنا”.
واثار الناشط الامازيغي فتصريحو ل”كود” رئاسة بيت مال القدس٬ وقال “خاصو يتحل. فلوسو خاص استثمارها فمشاريع تنموية بالمغرب خاصة فالعروبيات والمناطق لبعيدة.
وتوقع كجي فتصريحو ل”كود” ان “صفقة القرن غادية ثير سعار القوميين والاسلاميين بمختلف تلاوينهم.. وسيخرجون من جحورهم لاحراق صور ترامب ونتانياهو ومسيرات الصواريخ الكارتونية … هادوك راه بقاو بلا شغل.. و يثيرون الضحك والشفقة ..