0ش واقع في التيكواندو…أبو فارس ما تقبلاتش إقصائها من أولمبياد طوكيو وكتبت “في بلادي ظلموني”.. والجامعة: البطلة مضروبة ما يمكنش تريكبيري فوقت قصير

فاطمة الزهراء ابو فارس، البطلة المغربية في التيكولندو والفائزة بذهبية الألعاب الأولمبية للشباب بالأرحنتين ف2018، لقات راسها مبعدة من إقصاييات الألعاب الأولمبية بطوكيو 2020.
البطلة المغربية نشرت صورة علقت عليها في موقع التواصل الاجتماعي أنستگرام وعلقت عليها في بلادي ظلموني، ما يعني أن اقصائها مدبر وعن إصرار وترصد من قبل بعض المتحكمين في دواليب الجامعة.
رواد مواقع التواصل الاجتماعي اتهموا رئيس الجامعة إدريس الهلالي بإبعاد البطلة فاطمة الزهراء أبو فارس باش يجيب فبلاصتها واحد من عائلتو.
الجامعة فندات هاد الادعاء جملة وتفصيلا وشرحت في الندوة الصحافية نهار الجمعة بلي البطلة فاطمة الزهراء ابو فارس مضروبة.
مصدر جامعي أكد ل”كود” أن البطلة الأولمبية عندها ضربة خايبة وغادي تبدا الترويض نهار 7 فالشهر الجاي، وبالتالي ما يمكنش ليها تكون واحدة نهار 24 من نفس الشهر، موعد انطلاق التصفيات المؤهلة للألعاب الأولمبية.
وزاد أكد بلي مدرب المنتخب الوطني للتايكوندو فليب بويدو، هو اللي اختار اللائحة وهو عارف حجم الإصابة، اللي عند البطلة المغربية. ما يمكنش تريكيبيري فوقت قصير.