المغاربة حيحو فماراثون مراكش.. لقواحي فاز بهاد الدورة وحطم الرقم القياسي

العداؤون المغاربة حيحوا فماراثون مراكش اليوم الأحد، اللي تنظم اليوم الأحد بالمدينة الحمرا، بمشاركة عدائين عالمين من مختلف الجنسيات.
العداء المغربي هشام لقواحي فاز بماراثون الدولي بمراكش، بعدما حقق توقيت 2 ديال الساعات و6 ديال الدقائق و22 ثانية، وحطم الرقم القياسي ديال ماراثون مراكش، وجا من بعد منو الكيني جاكوب كانداكور، والإثيوبي فيليكي واندوسر.
مغربي 0خر توج بنصف ماراثون مراكش، ويتعلق الأمر بمحمد رضى العربي، اللي حقق رقم جيد ساعة و01 دقيقة و17 ثانية.
وعرفت منصة تتويج نصف الماراثون سيطرة مغربية، بعدما حل عمر أيت شيتاشن في المركز الثاني ومحمد الجناتي في المركز الثالث.