تقرير: المغرب جا فالمركز الثالث إفريقيا فمجال الزراعة من بعد جنوب إفريقيا وكينيا

احتل المغرب المركز الثالث إفريقيا فمجال الزراعة، على حساب آخر تقرير لسنة 2019، واللي دارتو منظمة تمكين الأعمال الزراعية التابعة للبنك الدولي، بحيث حصل على معدل مرتفع بالمقارنة مع الدول الأخرى، واللي بلغ بالتحديد 64.02 نقطة.
وحصلات جنوب إفريقيا على المركز الأول فهذ التصنيف، بمعدل مابعيدش بالزاف على المعدل اللي حصل عليه المغرب (68.73 نقطة)، وجات من موراها كينيا فالمركز الثاني بمعدل 64.80 نقطة، ومن بعد المغرب جات زامبيا فالمركز الرابع بمعدل 63.73 نقطة.
التقرير عالج البيانات الفلاحية المتعلقة ب101 دولة فمختلف بقاع العالم، ووضع تصنيفات للدول على حساب القارة اللي كتنتمي ليها، واعتمد على معايير متنوعة باش يكلاصي الدول ويوضع النقاط ليها، أهمها ما يتعلق بتوفير البذور والحصول على التمويل لحماية النباتات.
وحسب التقرير، 47 دولة فالعالم هي فقط اللي استطعات تدير إصلاحات مزيانة في المجال الزراعي.
واستطع المغرب يتبوؤ المرتبة الثالثة قاريا على الرغم من الإكراهات اللي شهدها فالموسم الفلاحي الماضي، واللي كان ممكن يحصل بدونها على نقط أكثر، وأبرزها قلة التساقطات المطرية اللي عرفاتها المملكة، واللي تسببات فنقص كبير فإنتاج الحبوب والقطاني.