من بعد نانسي عجرم.. مغنية لبنانية تعرضات للسرقة بحضور ولدها

نايضة شفرة في لبنان ضد المشاهير.
نهار واحد بعدما حاول شخص يسرق منزل المغنية نانسي عجرم وتعرض للقتل بالقرطاس على يد راجلها فادي الهاشم ، تعرضات الفنانة اللبنانية مي مطر، يوم الاثنين لعملية سرقة.
وأفادت الفنانة مي أن الحادثة وقعات ملي كانت غادة لدار الام ديالها في منطقة ذوق مكايل مع ولدها.
وقالت مي: “في الأول شفت طوموبيل تابعاني وحاولت نهرب ودخلت للزناقي، لكن داز من زنقة ثانية ووقف قدامي ونزل وجا عندي وقال لي اسمي وهددني باش نخرج من الطوموبيل أنا وولدي”.
المغنية هربات جهة الغابة وعيطات لعائلتها وبان فالأخير أن الشفار دا الفلوس فقط وخلا ليها الطوموبيل.