ها مولات حساب حمزة مون بيبي اللي مازال هاربة للامارات. واش المغرب غادي يطلبها من هاد الدولة

كلشي البارح كان كيتسنى اش غادي يقرر قاضي التحقيق فمراكش مع دنيا باطما واختها ابتسام فقضية حمزة مون بيبي. كلشي كان يتوقع متابعتهم فحالة اعتقال. فالاخير تم متابعتهم فحالة سراح بكفالة 100 مليون سنتيم٬ كل وحدة 50 مليون٬ بتهمتي “المشاركة في الولوج إلى المعالجة الآلية للمعطيات عن طريق الاحتيال، وبث أقوال وصور تمس بسمعة الغير دون الموافقة المبدئية للمعنيين بالأمر”.
وفق مصدر ل”كود” فان التحريات لحد الان مازال ما بيناتش باللي دنيا باطما مولات لحساب ديال حمزة مون بيبي. اللي مورط فيها لحد الان عدد من الاشخاص فيهم معتقلين.
وفق مصدر “كود” فان عائشة عياش اللي عايشة فالامارات هي مولات لحساب. سيمو بلبشير اللي مازال هربان حتى هو مذكور فالتحقيق وخاص الاستماع اليه. هادي كتقدم راسها مصممة القفطان.
دابا كاين اتفاق مغربي اماراتي واش غادي يتفعل ويطلبو هاد السيدة باش تجي للمغرب تتحاكم؟ تنسناو اش غادية تقرر النيابة العامة