خاص. اعضاء لجنة النموذج التنموي غادي يتلاقاو كاملين لاول مرة فبنگرير

علمت “كود” من مصدر موثوق ان اللجنة الخاصة بإعداد النموذج التنموي الجديد قررات تلاقا هاد الويكاند في بنگرير، وبالتحديد فكلية محمد السادس، وغادي تكون هادي اول مرة غادي يتجمعو كاملين، اي الاعضاء ال35 كلهم.
ووضح نفس المصدر ل”كود” ان خلال هاد الخلوة، الاعضاء غادي يبقاو معزولين لمدة 48 ساعة فبنگرير باش يخدمو قبل مايشرعو في الاستماع للمؤسسات، والأحزاب والنقابات والقطاع الخاص والجمعيات ابتداءً من 2 يناير المقبل.
اللجنة غادية تتلاقى مع شباب فبنكرير من بعد. على الله ما يتلاقاوش مع اللي كان وصافي
واضاف المصدر ل”كود” ان اعضاء اللجنة ماعندهم حتى شي تعويض، والخدمة ديالهو تطوعية، والى كانت قضية ديال تعارض المصالح، العضو ملزم باش يعلم الرئيس بيها.