قناة “rtlz” الهولندية المتخصصة في الاقتصاد، كشفت على بعض الأرقام، لي تحققت في الكومبا ديال ريكو فيرهوفن وبدر هاري، واللي انسحب منو البطل المغربي بعدما تعطب فرجليه. القناة الهولندية أكدت بلي 3.5 مليون شخص شافوا الكومبا على التلفزيون الهولندي السبت لي فات، وتابعوه مباشرة 31 ألف متفرج فالملعب ديال فيتيس أرنيم الموجود على الحدود الألمانية. منظمو گلوري كيتكتموا على الارقام والأرباح الحقيفية، لي حصلات عليها بعد هاد النزال التاريخي، ربما باغية تقلب على مستثمرين أخرين باش تضاعف حصة الأرباح ديالها في الكومبات المبرمجة الجاية. لكن هاد المنظمة كتعترف أن بطولة الكيك بوكسينگ في هولندا رجعات رياضة شعبية والأرباح ما شي حاجة كثيرة باستثناء الكومبا ديال ريكو وبدر هاري. مدير أعمال الهولندي ريكو، كريم إيليا، تحدت عن “قيمة التذاكر” والمداخيل، مشيرًا أن سعر التذكرة الواحدة في الدرجة الأولى بلغ 1500 يورو، مقابل 65 يورو لأدنى بيي، ثم أضاف “عدم القتال يعني عدم الحصول على أرباح. والتدرب ثم التدرب يُكلّف الكثير من المال. فيرهوفن لديه طاقمٌ من 6 أفراد، من مدربين بدنيين ونفسيين، مرورًا بالطبيب”. ومدير أعمال ريكو فيرهوفن زاد أكد بلي البطل الهولندي ما كايحتاجش لجولة باش يسعى، عندو شركات مكلفة بيه بحال سوزيكي وسامسونگ وبورش وعندو كذلك كونترا مع منظمة گلوري، لمدة ثلاث سنوات. ورفض مدير أعمال ريكو الكشف عن المال لي حصل عليه البطل الهولندي بعد نزاله مع بدر هاري، وگال “كيتوصل بالحصة ديالو قبل الكومبا كايديرو فجيبو قبل ما كايطلع للرينگ، ثم مبلغ اخر بعد الربح، ومبلغ مضاعف من منظمة گلوري الا سيطر على البطولة العالم ديال الكيك بوكسينگ. لكن مدير أعمال ريكو اعترف أن ارباح الكيك بوكسينگ ما كاتعداش 100 مليون دولار عكس الكومبات ديال الملاكمة في الوزن الثقيل.
