جيد: النقاش استحق الطرد والصرامة خاصها تكون

رضوان جيد الحكم. لي صفر في ديربي الرجاء البيضاوي والوداد اليوم الأحد بملعب مركب محمد الخامس فالدار البيضاء، برسم الدورة 10 من منافسات البطولة، أكد بلي الحمرا لي خداها اللاعب ابراهيم النقاش مستحقة، لحقاش دار علاش، وأنه كيفضل ما يدخلش فالأمور التقنية.
وأضاف جيد في تصريحات صحافية بعد الماتش، أن الصرامة فالتيران ما شي شي حاجة خايبة، بل خاصها تكون. وقال “خاص اللعابة يوعاوا ويديروا لي عليهم ويخليونا نديروا خدمتنا، حنا ما كانجيوش باش نجمعوا”.
رضوان جيد، لي حكم الديربي للمرة الثامنة في مسيرتو، أكد أنه لم يشعر بضغوطات بسبب الديربي، كل ما هناك أن الضغط لي حس بيه، هو أنه حاول يخرج الماتش مزيان “خاص الجماهير ترتقي في تفكيرها، لأن هادشي لي دار فالسيمانة كيضر فالقلب وخاص يعرف الجمهور أن حتا الحكام عندهم عائلة”.