حملة كبيرة ضد ليلى الحديوي بعد فيديو مركز على مؤخرتها.. وجاوبات المنتقدين: ماعجبكومش خرجو من عندي

فيديوهات روتيني اليومي مبقاوش غير في اليوتوب فقط من قبل نساء باغين يدخلو الفلوس من الآدسنس، ولكن حتى في الانستكَرام، وعارضة الأزياء ليلى الحديوي تعرضات لحملة تشهير كبيرة بعدما بانت كدير الرياضة ولي كيصور فيها مركز ليها على مؤخرتها.
بعض المتتبعين معجباتهمش طريقة التصوير وكيفاش المصور ركز على الخلفية ودارو ليها حملة ديال السينيال باش يطيح الكونط انستكرام ديالها لي عندها فيه 2 مليون متابع.
الحديوي جاوبات على هاد الصداع وقالت هي كانت كدير الرياضة وغادي تبقى دير الرياضة وتصور وتحط في صفحتها ولي عجبو شنو كدير يبقى مرحبا ولي ماعجبوش يخرج.
حنا ف”كود” ضد ان الواحد يدخل فحياة انسان اخر ويقولو شنو من حقو يدير وشنو مامنحقوش يدير، وبالتالي واخا حنا عامة ماكنجيوش من جيهت الحديوي حيت ديما ملصقة وحيت ماعندها حتى موهبة حقيقية، هاد المرة مضطرين نجيو من جانبها حيت السينيال ضد حرية التعبير وضد الحريات عامة.