التناقض كون كان بنادم.. السواعدة مابغاوش سعد لمجرد يغني فبلادهم ولكن التذاكر طارو وتباعو فرمشة عين

التذاكر ديال حفلة سعد لمجرد لي غادي تكون في السعودية تباعو ومبقا منهم والو.
لمجرد غادي يدير الحفلة نهار 18 فهاد الشهر، وهي أول حفل ليه من بعد 3 سنين ديال التوقف بعد متابعتو بتهمة الاغتصاب من طرف الفرنسية لورا بريول.
وكانو السواعدة دارو عليه هاشتاكَ “#نرفض سعد لمجرد في السعودية”، والهاشتاكَ طلع ترند فتويتر، وبزاف قالو انهم رافضين لمجرد يغني عندهم، وكاين لي وصفو ب”المغتصب المقزز” كاع…
ولكن بيع التذاكر بهاد السرعة، كيبين مرة اخرى انه كاين فرق كبييير بين الواقع والافتراضي.