واش لشكر كيهاجم اخنوش بمزواري؟. شبهو باليمين المتطرف وبغى فصل الدين والمال على السياسة وسياسي يرد عليه: كون كان فصل المال عن السياسة كون راك فعكاشة

المهدي مزواري الاتحادي اللي ما كيكتب حتى حاجة بلا ما يتشاور مع زعيمو ادريس لشكر كتب تدوينة غريبة هاجم فيها عزيز اخنوش رئيس التجمع الوطني للاحرار علي خلفية تصريحو فميلانو. لشكر اكيد غادي يكون فراسو. خاصة انو كتبها قبل اجتماع المكتب السياسي للحزب اللي حاضر اليوم اليوم بالرباط. مزواري مشى بعيد واعتابر التصريح واخا ما سماهش ب”لغة اليمين المتطرف لا تليق على الدلافين البسودو ليبرالية” ثم اضاف “الاولوية اليوم هو الديموقراطية وسيادة القانون والفصل الضروري للدين والمال عن السياسة وممارسة الشأن العام. انئذ سنتلمس الطريق الموؤود”.
دابا المزواري كيهدر على الديموقراطية. ياك البي جي دي ربحات وترشحات مرا وناض هو عند من مشى؟ عند العطواني. حقاش هو صاحب رجل الاعمال التجمعي هشام ايت منة. ماشي بحال الاستاذ الاتحادي المحترم وهوب اللي قرر يصوت للحزب اللي ربح. شكون هاد العطواني؟ سيرتو عاطية فالمحمدية وكيدير العقار. اييه هادوك ماشي المال يا السي مزواري.
سياسي من المحمدية كيعرف باش مسگية القضية قال ل”كود” باللي ماشي مزواري اللي خاصو يهدر. حقاش كون كان فصل المال على السياسة كون راك فعكاشة. ما قالش لينا علاش كيهدر واش كيقصد. باينة شاد عليه شي حاجة شديدة.
شفتي فين كتلاح وما قادش.