خاص. كيفاش تحولات امريكا مع المغرب فالصحرا. الخارجية الامريكية: مشروع الحكم الذاتي واقعي وعندو مصداقية وامريكا مع 12 شهر للمينورسو بلا حقوق الانسان

خلال ندوة صحافية لكبار مساعدي وزير خارجية امريكا بومبيدو امس الاربعاء 27 نونبر بواشنطن قبيل زيارة هاد الاخير للمغرب بداية دجنبر٬ اثير موضوع الصحراء. كان حاضر فاللقاء الصحافي. اذ اوضحت الخارجية الامريكية ان هاد الموضوع غادي يكون حاضر فالزيارة الرسمية اللي غادي يتلاقى بيها بالملك محمد السادس يوم رابع دجنبر.
واضاف المسؤول الامريكي “الصحراء الغربية هي قضية ذات أولوية بالنسبة للمغاربة ، ونحن مع – مع الأمم المتحدة نتطلع إلى المضي قدمًا في حل سياسي”
الديبلوماسي الامريكي اشار بمشروع الحكم الذاتي اللي قتارحو المغرب٬ وقال انه “واقعي وعندو مصداقية”
وفي جواب علي سؤال لنيويورك تايمز حول موقف امريكا من توسيع مهام المينورسو فالصحرا لتصبح مكلفة بحقوق الانسان٬ قال المسؤول الامريكي “سياستنا ما تغيراتش. باقية كيف كانت” يعني ما كاينش توسيع مهام للمينورسو، المسؤول الامريكي اضاف “جددنا للتو ولاية بعثة الأمم المتحدة للاستفتاء في الصحراء الغربية لمدة 12 شهراً بنفس الولاية التي كانت عليها من قبل” واكد انو فهاد التجديد ما كاينش شي حاجة كتخص حقوق الانسان.
قبل ان يزيد موضحا “امريكا تدعم التفويض الحالي بدون توسيع مهام المينورسو لتشمل حقوق الإنسان”