رونالدو غادي يدير عرس أسطوري فمراكش.. ومو وصاحبتو جورجينا منوضينها صباط

كريستيانو رونالدو، نجم كرة القدم العالمية غادي يدير حفل زفافه في المغرب وبالضبط فمراكش.
مجلة إيطالية شهيرة أكدت بلي كريستيانو رونالدو قرر يدير حفل زفافه على عارضة الأزياء جورجينا رودريگيز فمراكش.
مجلة QUE الإسبانية الشهيرة نقلات عن ‘Novella 2000′ الايطالية المتخصصة في المشاهير، الخبر واكدت أن نجم يوفينتوس الايطالي غادي يدير حفل زفاف أسطوري، وقرر إقامته بالمغرب بعيداً عن إيطاليا وكامرات الصحافة.
واضافت هاد المجلة أنها تتعهد بنقل تفاصيل الحفل، لي غادي يحضروا ليه كبار نجوم الكرة والفن في العالم.
وحسب هاد المجلة، فإن اختبار مراكش جا من بعد الخلاف على مكان الحفل بين والدة رونالدو وصاحبتو جورجينا، إذ كان منتظرا يدار في تورينو الإيطالية، منوضينها صباط هاد ليمات، الشي لي خلا رونالدو يختار مراكش.
رونالدو ومو غالبا ما كيجيو لمراكش يدوزوا فيها العطل، كما أنه دار العديد من المشاريع فعاصمة النخيل.