عبيابة دار خطأ كارثي فكلمتو فمهرجان شنقيط وما عارفش سمية رئيس موريتانيا

[email protected]
الأخطاء والكوارث تابعة وزير الثقافة والشباب والرياضة، الحسن عبيابة، وهاد المرة فضحنا فالخارج وموريتانيا لي بغينا نكونو معاها مزيانين وما نخسروهاش.
الحسن عبياية وزير الثقافة والشباب والرياضة خدا الكلمة باسم المملكة المغربية وبداها بكارثة فاش غلط فاسم الرئيس الموريتاني محمد ولد الشيخ الغزواني، أمام الحاضرين والوفود الدولية المشاركة فمهرجان شنقيط للمدن القديمة وما خاولش يصحح بعد الخطا لي دار وكمل كلمتو.
الحسن عبيابة وبدل ما يكون عارف شنو يقول وعارف اسم الرئيس الموريتاني بحكم أنه سياسي ورئيس الوفد المغربي، خربق كلشي وغلط فاسم الرئيس الموريتاني، وسماه محمد ولد الشيخ “العزوزي” بدل الغزواني.
دابا الحسن عبيابة دليل جديد على حكومة الكفاءات وشوهنا مع موريتانيا ومع الوفود الأجنبية لي حضرات وخلا سيرتنا على كل لسان.