سعد لمجرد ممسروطاش ليه اليوتوب يطيرو ليه أغنيتو وقلبها صباط مع الملحن

نايضة ديال بصح بين المغني سعد لمجرد والملحن محسن تيزاف لي هو في الأصل عضو مجموعة “فناير” الغنائية بعدما طير اليوتوب فيديو كليب “سلام” بسبب حقوق الملكية والتبليغ لي دار مغني اسمه هشام تلمودي، ولي أكد أن عندو حقوق الأغنية الأمازيغية لي كانت هي سبب نجاح الديسك.
تيزار خرج البارح في بوسط كيوضح أنه عندو كامل الوثائق القانونية لي كتثبت أن عندهم الحق في استعمال الجزء الأمازيغي في الأغنية بعد تفويض قانوني من مالكي الحقوق الأصلية لي هوما شركة “تامزا فيزيون” ماشي التلمودي اللي تاهو غير استعملها.
وبخصوص قضية الحجب لي دارت اليوتوب أن أنه سيفطو ليهم جميع الوثائق اللازمة ولي كتضمن الحقوق من طرف فريق العمل ديال سعد لمجرد باش يرجعو المقطع في اليوتوب.
تبركيكة لي جبنا أن سعد لمجرد حيح على محسن خصوصا هادي أول مرة يطيح في بلان من هاد نوع وطير الأغنية، وجات في الوقت لي حط فيه المغني المصري محمد رمضان الأغنية ديالو، ودابة كيضيعو ليه المشاهدات وكثرات الهضرة، وفي الأخير لصقات فيه أن شافر الألحان. حيت المعجبين مكيقولوش كلمات وألحان فلان، ولكن نيشان أغنية سعد لمجرد.