الناصيري عين الصحابي مدرب مساعد لزوران وها فوقاش غايبدا

سعيد الناصيري، رئيس الوداد البيضاوي عين فؤاد الصحابي مدربا مساعدا لزوران مانولوفيتش حتا اللخر ديال العام.
الناصيري جاب الصحابي باش يعوض يوسف أشامي، لي مشى بحالو قبل ماتش ديال مولودية وجدة نهار الأربعاء لي فات، برسم الدورة الرابعة من منافسات البطولة، بسبب خلافه مع رئيس الوداد على الفلوس.
ووقع الصحابي كونطرا مع الناصيري البوم الاثنين بعدما اتفق معه على كلشي بما في ذلك الصالير ، لي غادي يشد ومدة العقد، لي غادي يكون حتا نهاية الموسم الجاري.
وكشف مصدر ودادي أن التعاقد مع الصحابي جا بسبب التجربة، لي كايتوفر عليها هاد المدرب، بعدما درب العديد من الأندية الوطنية من أبرزها شباب الحسيمة وأولمبيك خريبكة والكوكب المراكشي وشباب أطلس خنيفرة والمغرب الفاسي وشباب المسيرة.
الصحابي غادي يبدا رسميا ف خدمتو غدا الثلاثاء بعد أن يتعرف على المدرب زوران واللعابة وباقي أعضاء الطاقم التقني.