ديربي العاصمة…الجيش اربح الفتح بربعة والركراكي: عندهوم جمهور واعر

حسم فريق الجيش الملكي ديربي العاصمة لفائدته، بعد الفوز على الفتح الرباطي بأربعة لجوح ف الماتش، لي جمعهما اليوم السبت بملعب مركب مولاي الحسن ف الرباط، برسم الدورة الخامسة من منافسات البطولة.
الفتح الرباطي كان هو لي ماركا الأول ف الدقيقة الثانية بواسطة محمد بادا موسى، لكن تونگارا عادل النتيجة ف الدقيقة السابعة.
المهدي بطاش اعطي التقدم للفتح، لكن الجيش الملكي غادي يماركي ثلاثة ديال الأهداف متابعة من طرف عبد الإله عميمي من بيلانتي ومحمد فكري وجوزيف كيدي.
الجيش الملكي كان بإمكانه تسجيل أهداف أخرى بعض طرد لاعبين من الفتح الرباطي، وهما محمد السعيدي وسعد أيت الخرصة.
هاد الماتش عرف حضور جمهور غفير من أنصار الجيش الملكي، لي قدموا لوحات رائعة استحسنها الجميع.
البوليس حضر بكثرة لهاد الماتش تحسبا لأي شغب محتمل، لكنه مر في أجزاء رياضية.
المدرب وليد الركراكي أشاد بدور الجيش الملكي، مقابل التعبير عن امتعاضه من غياب جمهور الفتح الرباطي.
وأكد الركراكي أن الجيش ما داو حتا شي حاجة هادي 11 عام ومع ذلك جمهور ديالهم كايتبعهم في مامشاوا. واضاف “عندهم جمهور واعر كيشجعهم وشفتوا اليوم كيفاش ساند فرقتو، هادشي لي خاصنا حنا. لكن على العموم كنشكر اللعابة دياولي، لي داروا ماتش مزيان رغم بعض الأخطاء الفردية”.