” كرين بوبز” و”الإيگلز” مقاطعين ماتش ديال أسفي…ماقابلينش 500 بيي ارجعوا ليهم وراقيهم

جماهير الرجاء البيضاوي قررت تقاطع ماتش ديال أسفي غدا الأحد بملعب المسيرة، برسم الدورة الخامسة من منافسات البطولة.
“كرين بويز” و”الإيگلز” ومجموعة درب السلطان، قرروا مقاطعة الماتش ديال فرقتهوم الرجاء البيضاوي، احتجاجا على العدد القليل ديال البيي، لي توصلوا بيها والمقدرة ب500 تذكرة فقط، أي أنها تمثل 5 في المائة من العدد الإجمالي التذاكر المطروحة للبيع
وحسب بلاغ ديال هاد الفصائل، فإن الكورفاسود أكدت بلي الجمهور الرجاوي ما غاديش يمشي لأسفي، لأن هاد النسبة تعتبر احتقارا له، ولا تمثل حتا الرجاويبن، لي ساكنين في اسفي، فبالأحرى لي غادي يمشي من كازا.
وأكد البلاغ “نشير أيضا إلى أنه كان بالإمكان اقتناء التذاكر المطروحة ولكن حفاظا على كرامة الجمهور الرجاوي بصفة عامة، قررنا المقاطعة. وندعو شعب الرجاء للانخراط فيها لإعادة النظر في الاستراتيجية الجديدة للتنقلات”.
مجموعة الكورفاسود كتبت على حائط ملعب الوازيس، لي كان من المقرر تباع فيه التذاكر عبارة “ارجعو ليهم وراقيهم”، أي أن الجمهور ما غاديش يمشي بأسفي باش يتفرج ف الماتش، لأن الكوطا غير مناسبة له
وسبق للجامعة الملكية المغربية لكرة القدم، أن عممت مذكرة بتنسيق مع السلطات الأمنية تدعو فيها الفرق المستضيفة بتخصيص نسبة 5 في المائة لانصار الفريق الضيف، وذلك حفاظا على الأمن العام وتفادي الشغب.