فرقة “إيموراجي” ولات اسم على مسمى.. كوثر بامو آخر المغادرين – تدوينة

البارح الأربعاء، الكوميدية كوثر بامحمد المشهورة ببامو علنات خبر خروجها من فرقة “ايموراجي” ديال عبد العالي لمهر المعروف ب”طاليس”.
الفرقة ولات اسم على مسمى، عندها humoragie- hémorragie، اي نزيف حاد في الفنانين الكوميديين لي خرجو، بحال حمزة فيلالي لي شد طريقو بوحدو، ودابا كوثر لي دخلات عالم الv-log.
ومدة طويلة دابا باش الفرقة مدارت حتى شي عمل كوميدي أو جولة فنية، ولي كيبان أن “طاليس” لي جامعهم خدام على راسو، بعدما حل قهوة فكازا، وكيدير فيديوهات قصيرة كيحقق فيها نسب مشاهدة كبيرة مع الممثلة فدوى الطالبي.