الوعي فين وصل.. جورجينا رودريكَيز: كنعيش السعادة مع رونالدو وولادنا.. والزواج في خططنا لكن ماشي مهم

سنين دابا وجورجينا رودريگيز مرتابطة مع النجم البرتغالي كريستيانو رونالدو لاعب يوفنتوس الإيطالي وديما كيسولوهم واش قريب يتزوجو وعلاش هاد الفترة كاملة مبغاوش يضربو الكحل فالبيض.
جورجينا جاوبات على هادشي في برنامج “Ya es mediodia” السبليوني وقالت “ديما عندي فكرة نكون مرا فرحانة مع راجلها وولادها، وهادشي لي كنعيش الآن، عندي ولاد زوينين، وراجلي كيبغيني وكيهتم بيا ونهتم به، كيبغيني وكنبغيه، وأنا فرحانة مشاركاه حياتي”.
وأضافت “الزواج في الخطط ديالنا، لكن الآن عندنا أمور أهم كثر منو، وعندنا 4 ديال الولاد خاصنا نتهلاو فيهم ونركزو عليهم”.
وكان رونالدو قال أن الجنس مع جورجينا أحسن من أي بيت ماركا فمسيرتو الكروية.
وكيعيش الكوبل قصة حب حقيقية، والزواج غير خضرة فوق الطعام.