عبير عابد طحنات مغنيي الأندلس: قودتوها على التراث وأنا عاطياكم التيساع وماكنقودش معاكم سوايع -فيديو

المغنية عبير عابد خريجة برنامج المواهب دخلات طول وعرض في مغنيي الأندلس والتراث في لايف دارتو البارح وكانت فيه الهدرة قاصحة بزاف.
عبير قالت “كتكذبو على عباد الله وتقولو درتو خدمة للتراث، اشمن خدمة، نتوما راكم قودتوها عليه. التراث كيعاني وكنحاولو نقذوه”.
View this post on Instagram
هاكاوا على الطرب الأندلسي ????????????????
A post shared by Maghribea – مغربية (@maghribea) on Sep 23, 2019 at 6:31am PDT
عبير لي باينة طالعة ليها القردة للراس اضافت “صحاب الطرب الاندلسي كيقيلو يقولو على راسهم شيوخ ودكاترة بالأقدمية وكيشجعو بنادم حمار فالدومين باش يطلعوه”.
واكدات عبير ان صحاب الموسيقة الأندلسية كيحاولو يضروها “عطيتكم التيساع سنوات ضوئية دابا ومازال تابعيني.. ماكنخدم معاكم في مهرجانات ماكنكمي معاكم ماكنشرب معاكم، ماداخلة معاكم في عومار ديالكم، مكنقود معاكم سوايع”.