القضية غادية وكاتكبر.. الوداد كيطالب جيبور ب950 مليون واللاعب الليبيري باغي مليار و150 مليون

قضية الوداد البيضاوي والليبيري غادية وكتكبر، واخا الجامعة فسخات العقد ديالهم بناء على الرغبة ديالهم بجوج.
الجامعة اكتفت بفسخ العقد، لي كايربطهم بجوج دون أن تغرم أحدهما.
الوداد ماراضيش بالحكم، لهذا طالب في شكاية اللاعب جيبور بمبلغ 950 مليون، بحجة أنه ما احترمش بنود العقد.
اللاعب جيبور وضع شكاية حتا هو عند الاتحاد الدولي لكرة القدم كيطالب فيها الوداد باش يصرف ليه فلوسو كاملة، وحددها في مليار و150 مليون، لانه يدعي أنه متخلصش في الأجور الشهرية والمنح، الشيء الذي جعله يطلب فسخ عقده.
هاد الملف مازال ما سالاش وغادي تكون عندو تداعيات أخرى، خصوصا بعدما قرر جيبور يمشي الفيفا باش ياخد فلوسو، والوداد حتا هو كيطالب بمبلغ 950 مليون.
جيبور توصل في الفترة الأخيرة بورقة خروج الدولية باش يلتحق بالفجيرة الإماراتي.