بنت عندها 18 العام شرات كلاشنيكوف وبغات تقتل بيه 400 واحد فمدرستها.. حيت رشقاتلها!

ميريكانية سميتها أليكسيس ويلسون في عمرها 18 العام قرقبو عليها البوليس بعدما هددات بقتل 400 واحد في مدرستها وهادشي بدافع المتعة والمرح.
زعامة البنت كبرات بعدما ورات لصحابها فيديو ديالها كيبين كيفاش كتعرف تيري بكلاشنيكوف بمهارة. البوليس وبعدما شدو البنت لقاو السلاح وذخيرة في دارهم.
البوليس قالو أن عائلة الينت عرفو أن عندها السلاح وجاهم الأمر عادي حيت كتخرج تصيد، وتبين فيما بعد أن المدرسة سبق ليهم جراو عليها حيت كتورط في حوادث ديال العنف.
وميريكان معروفة بالمجازر لي كيوقعو داخل المدارس فيها، وغير في غشت مثلا،تقتل 94 واحد وتصابو 292 اخرين نتيجة إطلاق النار في الاماكن العامة.