مزراوي رجع بحالو لهولندا و3 ديال العابة أخرين مضروبين وبوميل حاير

نصير مزراوي، لاعب المنتخب الأولمبي رجع بحالو لهولندا باش يكمل العلاج مع أجاكس امستردام، لحقاش الضربة عندو قاصحة.
هاد اللعاب لي كان كايعول عليه باتريس بوميل بزاف باش يربحو في ماتش مالي، تعرض لإصابة في مباراة مراكش ومنعته من مرافقة المنتخب الأولمبي إلى باماكو.
ما شي غير مزراوي، لي مضروب، حتا أنس واهيم وزكرياء الوردي ومحمد الدويك يقدر ما يلعبوش غدا (الثلاثاء)، الشيء لي يقدر يوضع المدرب بوميل في موقف حرج، لحقاش عوال عليهم بزاف في الروتور.
المشكل ان يوميل ما عندوش ليفيكتيف بزاف، لي يمكن يراهن عليهم، خصوصا أن مباراة مراكش بينات مجموعة من الثغرات في مختلف مراكز المنتخب.
بوميل حاير، اش من تشكيلة غادي يلعب، بعدما تضربو ليه بزاف ديال لعابة، وصعيب يرجع بكاليفيكاسيون اللهم إذا كانت هناك مفاج0ت.