فيلم وقع فباب سبتة البارح. طونوبيلة دخلات فباراجات الجدرامية والديوانة وضربات مواطنين فباب سبتة وما وقفات حتى عند البوليس الاسباني – صور وفيديو

وصف شاهد عيان ل”كود” ما حدث البارح فباب سبتة ف”فيلم”. “كاميكاز مع السبعة والربع دالعشية دازت طونوبيلة “گولف” ديال فولسفاكن مرقمة فبلجيكا سايگها زماكري دخلات فكلشي وهربات من شرطة الحدود وخرقاتهم وما وقفات حتى عند البوليس الاسباني اللي شد مولها” يشرح شاهد عيان ل”كود”.
وفق مصدر “كود” فان الطونوبيلة هربات من حاجز الجدرامية قريب من مارينا سمير وبقى غادي بسرعة جنونية دخل فاللي جا فطريقو حتى وقف فاسبانيا
دابا التحقيق معاه عند البوليس الاسباني غادي يوضح اش وقع وعلاش دار هاد الشي. الصحافة الاسبانية هدرات على هاد الشي٬ خاصة جريدة “الفارو دي سبتة” اللي نشرات فيديو وصور