بالتصاور: شكون ترينا فاخر تدريب مع الاسود قبل الثمن وكيف دازت التداريب. كود حضرات وجابت ليكم الاجواء

مع الخمسة بالتوقيت المصري الستة بالتوقيت المغربي ترينا المنتخب المغربي لكرة القدم بحرس الحدود بالقاهرة. نفس الساعة اللي لاعب فيها غدا فملعب السلام ثمن نهاية كأس افريقيا 32 ضد المنتخب البينيني.
“كود” حضرات لهاد التدريب اللي داز فجو قاصح على اللعابة. السخونية كاينة. دخلو كاع لعابة المنتخب. بداو كيف ديما بحركات تسخينية. فالحقيقة ما محتاجينش لشي حركة باش يسخنو. السخونية كثيرة. غير تخرج وتوقف تضربك شمش القاهرة. تنظيم كأس افريقيا صيفا ومصر وبرمجة مباريات كثيرة لاسباب امنية فالقاهرة خطأ كبير.
اللعابة دخلو ضاحكين. كلشي كانو. حتى خالد بوطيب اللي غادي يكون احتياطي وقال المدرب رونار فندوة صحافية هاد الصباح باللي غادي يكون جاهز فالربع ايلى تأهلنا.
مصطفى حجي مساعد المدرب مفاهم مع اللعابة. كيضحك معاه كيجري معاهم. مازال عندو اللياقة اللي كيجري فهاد الجو. دابا ما كاينش تصريحات اللعابة. اللي باين من الندوة الصحافية من التدريبات من الجو العام ان المنتخب واجد لماتش غدا. كلشي عارف مسؤوليتو.