ودارها لقجع ودخل للتاريخ. ها قرارات اللجنة التنفيذية للكاف باش يتعاود ماتش الوداد والترجي. القرار تخاد بالاجماع وشوهة عالمية لتونس والكاف للترجي: ورجعو الكاس والميداليات

في بيان صادر عن اللجنة التنفيذية للاتحاد الافريقي لكرة القدم اللي اجتامعات بباريس طيلة يومين٬ شرح مبررات قراره باعادة ماتش الترجي والوداد في نهائي عصبة الابطال الافريقية اياب. البيان قال ان القرار تخاد بالاجماع وان ظروف لعب ماتش فالكورة والامن ما كانتش حاضرة فماتش الاياب اللي ما كملش.
البيان اللي قراوه على الصحافة قبل قليل قال ان الماتش غادي يتلعب خارج تونس وان كاع القوانين المنظمة للكاف بخصوص هاد الماتش غادية تبقى وان الترجي التونسي خاصو يرجع الكاس والميداليات وان الجوانب الاخرى المتعلقة بالتنظيم والتحكيم غادية يتعلم بيها الجهات المختصة للبث فيها.
فهاد الملف لمغاربة لعبو مزيان. الجامعة الملكية المغربية لكرة القدم وجدات ملف قوي باش ترافعات بيه ووصلنا لهاد النتيجة. شابو ليهم