كلشي فشل فجهة كلميم. رئيس الجهة اللي موقف ما استاقلش وكلشي تقولب معارضة ووزارة الداخلية

علمت “كود” ان الاطراف اللي فالدولة اللي كانت مكلفة تقلب على حل فقضية رئاسة جهة كلميم هزات الراية البيضا. وفق مصادر “كود” فقد اخبرت هاديك الاطراف باللي كلشي فشل. هاد الشي بعدما شرفات الداخلية على مفاوضات بين الاغلبية والمعارضة فجهة كلميم واد نون. كان كلشي جاهز للتوقيع. كلشي كان مبني على استقالة رئيس الجهة الموقوف عبد الرحيم بوعيدة.
اطراف تتهم مباركة بوعيدة باللي قرات عليهم استقالة عبد الرحيم بوعيدة واليوم بان باللي ما كايناش.
الوضع غادي يتزاد تعقيدا اليوم. الداخلية غادية تستمر فالتدبير.