قيادة الاحرار اقتارحات على رئيس جهة كلميم يبعد ويجي فبلاصتو تجمعي اخر باش يخرجو من لبلوكاج ورفض

علمت “كود” ان قياديين في التجمع الوطني للاحرار كانو اقتارحو على عبد الرحيم بوعيدة رئيس مجلس جهة كلميم وادي النون يبعد على رئاسة الجهة ويجيبو رئيس او رئيسة جديدة باش يخرجو من البلوكاج. هاد الاقتراح وفق مصادر “كود” تم رفضه من قبل بوعيدة.
الحزب عارف باللي طريقة تدبير الجهة وتدبير الخلافات مع الاغلبية والمعارضة لعبات دور كبير فالوضع المتأزم اللي عايشاه كلميم اليوم. حرب بدات يوم الانتخاب بين بوعيدة وبين الاتحادي عبد الوهاب بلفقيه لدرجة ان هاد الاخير بعد اشهر ولات معاه الاغلبية. كلشي تقلب وما تفهم والو. الحسابات من الغباء الاغتقاد انها سياسية هي خلافات شخصية تغطات بالقبيلية ووصلات لهاد الحد غير المسبوق فحتى شي جهة بالمغرب.
دابا بوعيدة وصل للحيط هاد السينما. قضاء وقف الميزانية وصراع الوالي مع نفس الرئيس كلشي غادي للحيط.