مجموعة “باتي” الاوروبية غادي تفتح اول سينما فكازا

ذكر موقع “بلادي نيت” ان مجموعة “باتي” الاوروبية غادي تفتح قريبا سينما في كازا، وبالضبط في حي كاليفورني، والى التجربة كانت ناجحة تقدر المجموعة تفتح سينمات فمدن مغربية اخرى.
هاد التجربة اللي هي الأولى من نوعها، كتتمثل في عدة قاعات سينما مجهزة بأحدث تقنيات العرض، وغادي تكون في”كاليفورني” اللي كيتعتابر من ارقى الاحياء فكازا.
المشروع ساوي 6 مليون درهم، ومن اهدافو تمكين ساكنة الحي والاحياء المجاورة من التمتع بفيلم هما وولادهم بلا مايقطعو كازا كاملة باش يوصلو ل”ميگاراما” او “اي-ماكس”
وكتمثل هاد التجربة تحدي حقيقي، نظرا للنقص الكبير اللي تشهده قاعات السينما منذ عقود في المغرب.