رمضان راه شامبيانس ليگ دالعبادات: واش صوم ابن عربي ورابعة العدوية هو صوم ابتسام تسكت؟

كاينين جوج حوايج..كاين الدين و كاين التدين..
الاول هو الدوريجين هو النص و الثاني هو فهم وتنزيل الانسان لهاد النص..يعني اللانتقال من الثيولوجيا الى الانثروبولوجيا..
بتعبير اخر التدين هو محاولة TP ديال الدين..وغالبا الانسان ملي تيبغي ينزل الدين لأرض الواقع،كيدير كارثة و تيتسبب فالاساءة للدين و راسو..مثلا الصيام هو كفلسفة مزيان..لكن ميليقش لبنادم كامل..
باش تصوم خصك تكون مريكل..احنا المسلمين كنا تنصوموا عيد الغفران ديال ليهود(عاشوراء!)،كان داكشي خفيف ظريف،العام الثاني للهجرة،رجعنا تنصوموا رمضان ديال الصابئة..هاد صابئة كانوا ceinture noire فالايمان والروحانية..ملي تتفرض عبادة بحال هادي على العوام لي عندو فمحرار الإيمان ناقص10درجات و صايم غاحيتاش خايف من العافية وباغي ياكل الرمان فالجنة،تيحولوا ليك شهر رمضان الى شهر ديال ال ..the king of fighters كلشي شاعل وكلشي باغي غامعامن يضارب..وشي باغي يفرض صيام على الجميع..
رمضان دابا تحول الى شهر العصاب الجماعي و ال hyper consomation…كان بكري المتصوف تيصوم تيطلع لشي جبل ويقوم بكفِّ جميع الجوارح عن الآثام، وذلك بغض البصر عن المحرمات وكل ما يشغل القلب ويلهيه عن ذكر الله تعالى، ويحفظ اللسان عن الغيبة والنميمة والكذب والفحش، ويشغله بذكر الله تعالى، وكف السمع عن الإصغاء إلى كل محرم ومكروه، مع مراعاة المطعم الحلال، في تعلق كبير للقلب بالله عزوجل..كان داكشي روحاني..بنادم تيصوم وداخل سوق راسو،تيفطر بتمرة وشي ربع خبزة ديال الشعير..
اش جاب صوم ابن عربي و رابعة العدوية للصوم ديال ابتسام تسكات..الصيام ديال بصح صعيب..الصيام هو الشامبيونس ليغ ديال العبادات ميمكنش يلعب فيه واحد مولف تيلعب مع شباب هوارة..وحتى سيدي ربي قال يا ايها الدين امنوا كتب عليكم الصيام..مقالش يا ايها الذين اسلموا..حيث ساهل تكون مسلم لكن صعيب توصل لدرجة الايمان..كنتي غا مسلم غاكول مع راسك انت غير معني..الصيام خاص غي بأقلية معينة..اقلية تتدرب راسها على الارتقاء فسلم السالكين الى الله..اما انت غاتتسلك مع الوقت..متصومش..باركة عليك غالزكاة الى عندك لفلوس والشهادة..متخافش..من قال لا اله الا الله دخل الجنة..و رمضان كريم و كل عام و نحن بخير..