دنيا باطمة رجعات استقلالية وها آش قالت على حفلها فالعيون ومقرب من ولد الرشيد ل”كود”: قالت لينا هي وعائلتها استقلاليين

الفنانة دنيا بطمة دارت حفل كبير فعاصمة الصحراء المغربية العيون انهار السبت الماضي، على الهامش ديال المهرجان الخطابي الذي نظمه حزب الاستقلال، وترأسه نزار بركة الأمين العام للحزب، بحضور مكثف للصحراويين والصحراويات.
الفنانة دنيا باطنة بانت لابسة كسوة فيها اللون ديال حزب “الاستقلال”. لكن السيدة قالت ليك في تصريحات صحيىة معندها حتى شي انتماء سياسي ومعندها علاقة بالميزان. لكن هادشي لي قالت كذوب. حقاش مصدر مقرب من حمدي ولد الرشيد القيادي البارز في صفوف الاستقلال قال هضرة أخرى ل”كود”.
المصدر نفسه كشف أن الفنانة باطمة قالت ليهوم قبل الحفل أن العائلة ديال باطمة استقلالية وحتى هي استقلالية، بل قالت ليهم بالحرف: “وكان مكونتش استقلالية مغاديش نجي أصلاً لهاد الحفل”.
كما نشرت الفنانة باطمة تدوينة على صفحتها الخاصة بموقع التواصل الاجتماعي “أنستغرام”، وجاء فيها: “مهما نتكلب ومهما نقول منقدرش نعبر عما بداخلي وعن مدى حبي لأهل الصحراء وأهل العيون، شكرا على حبكم وحضوركم يا أروع الجمهور”.