ها شحال ديال الحبس اعطاو لمهاجر مغربي قتل مراتو بمطرقة ففاس

omarelmouzaine@gmail.com
الغرفة ديال الجنايات الاستئنافية بمحكمة الاستئناف بمدينة فاس، طوات الملف لي تابع فيه مهاجر مغربي ففرنسا لي كان صفاها لمراتو باستعمال “مطرقة”. وحسب مصادر “كود”، فإن هيأة حكم ضربات هاد المتقاعد بعشرين عام ديال الحبس مساء أمس الثلاثاء.
هاد المهاجر الستيني كان وجه ضربة قاتلة لمراتو بمنزلهما الكائن بشارع مولاي رشيد بطريق صفرو باستعمال مطرقة حقاش شك فمراتو كتخونو العام الفايت. المهم السيد اقتلها وهرب لتطوان، قبل أن يتم توقيفه من قب عناصر الشرطة هناك.
وكان الوكيل العام ديال فاس قد تابع هاد المهاجر المتقاعد بتهمة “الضرب والجرح العمدييين المفضيين إلى الموت في حق زوجته التي تصغره بسبع سنوات”، قبل أن يتقرر إحالته على غرفة الجنايات من أجل محاكمته بالمنسوب إليه.